Лідер польской владной партії Право і справедливость Ярослав Качінськый у віторок представив закон, котрого цільом є „охорона отцюзнины“. Нова леґіслатіва має „радікално“ посилнити армію і в контексті міґрачной крізы на білоруськых граніцях. Качіньскый твердить, же Польща, котра лежыть на „выходнім крылі“ Европской унії і НАТО, мусить мати „серьйозну одстрашуючу силу і способность ефектівно ся боронити“. На пресконференції по боці польского шефа обороны Маріуша Блащака представив план, котрым ся звекшыть бюджет того резорту. Єдночасно хоче владна партія звекшыти кількость вояків зо сучасных 110 тісяч на 250 тісяч. Зміна не рахує з обновліньом повинной воєньской службы.

(Медвідь, ТASR)