25 класів в школах і предшкольскых заряджінях в Бардейові є теперь про захворіня COVID-19 в карантені. Як TASR інформовав говорця міста Штефан Гій, сітуаціов в Бардейові і в окресі ся вчера на своїм засіданю заподівав містьскый крізовый штаб, котрый сконштатовав, же чісло інфікованых дітей в школах ся фурт звекшує. Повів, же самосправа вєдно з Реґіоналным урядом верейного здравотництва в Бардейові аналізує алтернатіву позаставити аж до одкликаня выуку на другім ступню основных школ. Містьскый крізовый штаб на вчерашнім засіданю вырішыв о запертю містьской плаварні од пятніці 1-го октобра і о зачатю моніторінґу  школярів при їх вступі до школ формов міряня тілесной теплоты. (TASR, Pkf)