Презідентка Зузана Чапутова в четверь дала почливость памятцї жертв голокавсту. З нагоды Памятного дня жертв голокавсту і расового насиля положыла вінець в містнім Музею голокавсту. З многыма міністрами і далшыма гостями брала участь на  піетній спомінцї, котрой сучастёв было отворіня выставы малеб умелця Фелікса Нусбаума і концерт коморного орхестра Бруна Валтера. Подїя на місцї бывшого робочого і концентрачного табора в Середї ся одбыла ку 80. вырочу приятя Жыдівского кодексу владов войновой Словацькой републікы, котрый належав меджі найтвердшы протижыдівскы правны крокы в Европі.

(TASR, Шутіова)