Поліцайты зо Словакії  беруть участь на охрані границь меджі Ґреційов і Севернов Мацедонійов. Іде девять поліцайтів, котры у выконі граничного дозору будуть діять до 31-го октобра. На соціалній сіті о тім інформує Презідіюм Поліцайного збору СР. Начальником контіґенту є Бранко Шікула. Словацькы поліцайты будуть служыти вв змішаных патролях вєдно з колеґами зо Северной Мацедонії. (TASR, Pkf)