Леґендарна шведьска попова ґрупа АББА выдасть по штирёх десятьрочах новый албум а приготовлює цалком діґіталне концертне турне. У четверь о тім інформовала аґентура АП. ,,На ярь 1982 сьме сі зробили перерву а теперь сме вырїшили, же є час ю закончіти,“ увела АББА в тисковім выголошіню. Новый албум ся буде кликати Voyage а ґрупа го офіціално выдасть 5. новембра. Капела окрем того одштартує 27. мая 2022 в Лондонї діґіталне концертне турне. Членове попового квартета приготовлюють велику голоґрафічну жыву шов з помочов наймодернїшой технікы в сполупраці з компаніёв америцького філмового режісера Джорджа Лукаса. Інтерпреты будуть на подію стварнены помочов голоґрамів. Тоты діґіталны аватары будуть вызерати як членове ґрупы в часах найвекшой славы.

(TASR, Шутіова)