Словацькый союз ціклістікы достане 350.000 евр на дофінанцёваня Меджінародных ціклістічных претєків ,, Около Словакії“, котры ся одбудуть в септембру. Підуть на забезпечіня переносу і сіґналу про телевізну станіцю Eurosport, котра буде претєкы высылати. Дотацію схвалила влада на своїм четверёвім онлайн рокованю. Меджінародны ціклістічны претєкы суть на світовій уровни, в тім рочніку є приобіцяна участь семох World Tour тімів найвысшой катеґорії а шість про-контіненталных тімів. Участь буде брати 154 претєкарїв з 24 країн світа. Претєкы ся одбудуть од 15. до 19. септембра.

(TASR, Шутіова)