Три жертвы собі вчера выжадали знищуючі пожары, котры уж пару днів сужують юг Італії. Інформувала о тім пресаґентура  APA. Попаленины в даній області потерпіли і дальшы четверо людей, котры мусіли ошетрити в шпиталю. Пожарми найвеце засягнуты області суть Сіцілія, Апулія і Калабрія. Сітуацію комплікують і вынятковы высоку температуры, котры запрічінює субтропіцька область высокого тиску воздуху, в анґлосаскій языковій області названій Луціфер. (TASR, Pkf)