Британьскый премєр Боріс Йогнсон і надале одмітать пожадавкы шкотской премєркы Ніцолы Стурґеоновой на зреалізуваня другого референдума о незалежности Шкотска, інформувала о тім аґентура DPA.  Йогнсон, котрый в середу і вчетвер навщівив Шкотско, подля аґентуры DPA дану драгу выужыв на то, абы дав ясні наяво, же уставна зміна ‟не є главным пунктом його проґраму‟. Стурґеонова, котра є на чолі владнучой Шкотской народной партії жадала, абы ся дальше голосованя о будучності Споєного кральовства зреалізувало до кінця рока 2023. Референдум о незалежности Шкотска ся одбыло послідній раз в 2014-ім року де 55 процент єй обывателів было протів незалежности Шкоткса. (TASR, Pkf)