Папа Франціск в часі свойой септембровой навщівы Словакії буде в Пряшові служыти літурґію св. Яна Златоустого. Подля протосінкела пряшівськой Ґрекокатолицькой архієпархії Любоміра Петрика іде о богослужбу, котра Святому Отцьови не є незнама. Іщі як єпіскоп Йорґе Маріо Берґоґліо, СЙ быв тыж ордінарьом про віруючіх выходного обряду в Арґентині. “Святый Отець Франціск не буде лем участником літурґії, але єй главным целебрантом. Буде одітый в літурґічнім руху. Якым способом, коли, наприклад молитвов, вступить до богослужбы, є іщі в штадію спрацованя конкретной дії літурґічного славіня в уряді церемоніарів Святого Отця,“ увів окрем іншого про пресаґентуру TASR Петрик. Папа Франціск буде в Пряшові славити святу літурґію і оголосить гомілію. (TASR, Pkf)