Україньскый презідент і презіденткы Ґрузії і Молдавії ся вчера стрітли з председом Европской рады Харлесом Міхело, з цільом досягнути покрок в снажіню стати ся членьскыма країнами Европской унії. Міхел тот сумміт означів за “за історічну подію“, пише аґентура  AFP. Тоты три країны в маю засновали сполочный діпломатічный формат з цільом досягнути покрок у своїм снажіню о членьство в ЕУ, припоминать AFP. Міхел повів, же ЕУ обіцює інвестичный паклик у вышці 2,3 міліярды евр, котрый мать “потенціал“ змобілізувати аж 17 міліярд евр на верейны і приватны інвестиції в області выходной Европы. Троїця лідрів на кінці сумміту підписала сполочне выголошіня, в котрім ся завязали сполупрацовати в інтересі “европской будучности“ своїх країн. (TASR, Pkf)