Од першого септембра небуде в Чехії штат фінанцовати з верейного поіщіня превентівны тесты на коронавірус. По вчерайшім їднаню чеського владного кабінету то увів міністер здравотницьтва Адам Войтех, інформував о тім сервер Novinky.cz. Подля шефа чеського резорту здравотницьтва іде о справный вердікт в контехті мотівації обывателів, абы ся дали заочковати. Тесты шак будуть і по першім септембрі безплатны про дітей молодшы як 12 років. Выїмку будуть мати і люди, котры ся неможуть дати заочковати зо здравотных причін. (TASR, Pkf)