Словакія довгодобо підпорує Чорну Гору і далшы країны реґіону западнёго Балкану в інтеґрачній намазї до Европской унії. Выголосила то словацька презідентка Зузана Чапутова по четверёвій стрїчі з презідентом Чорной Горы Мілом Дюкановічом, котрый офіціално навщівив Словакію. Балканьскы країны, котры іщі не вступили до ЕУ, суть в різных фазах приступового процесу. Чапутова припомянула, же Чорна Гора є в тім інтеґрачнім процесї найдале.Зарівно підчеркла, же передпокладом вступу до ЕУ суть єднотливы реформы. Чорна Гора є подля нєй на добрій дразї а продовжує в реформных кроках. Чапутова з Дюкановічом говорила і о можностях розвитку і підпоры білатералной сполупрацы  в области правного штату, економікы, інвестіції і турізма.

(TASR, Шутіова)