Сербска влада, кітайска фармацевтічна компанія Sinopharm і неменованый партнер із Споєных арабскых еміратів підписали в понедільок в Белеграді меморандум о порозуміню і співпраці, котрый дотулять ся будучой выробы кітайской протиковідовой вакціны в Сербії. Інформовала о тім аґентура Танъюґ. Сербска влада планує збудовати фабрику на кітайску вакціну і наповнити 10 міліонів доз до кінця того року. Пак має зачати комплексный выробный процес. Інформовала премєрка Сербії Ана Бырнабічова. Як приближыла аґентура, меморандум має быти зачатком шыршой співпраці Сербії, Кітаю і Споєных арабскых еміратів у области біомедицины, біоінформатікы і выужытя штучной інтеліґенції у фармацевтічнім промыслі. Меморандум выникнув на основі марцовой навщівы сербского презідента Александра Вучіча в Еміратах, де выробу кітайской вакціны оголосив по стрічі з корунным прінцом Мугаммадом бін Заїдом.

(Медвідь, TASR)