Незареджены посланці Народной рады СР діючі в мімопарламентнім Hlase-SD бы хотіли подати пропозицію новелы Уставы СР у звязку з можностьов референдума о предчасных вольбах. Почекати собі хочуть на выклад вердікту Уставного суду СР. ‟Глас є пересвідченый, же повинностьов Народной рады СР є змінити уставу так, абы і по формално-правнім боку уможнила людьом наповнити свої основны демократічны права і вырішыти в референдумі о конаню  ці неконаню потрібных волеб,‟ увела говоркыня партії Патріціа Медведь Мацікова. (TASR, Pkf)