Мадярьско подаровало Чорній Горі 200 тісяч давок вакціны проти хвороты COVID-19 од кітайской компанії Sinopharm. Інформовав о тім у віторок інформачный сервер profitline.hu, подля котрого мадярьскый міністер загранічных діл Петер Сіярто по стрічі зо шефом діпломації Чорной Горы Джорджем Радуловічом в Подґориці повів, же іде о найвекшый дар того рода, котрый тота країна на берегу Ядраньского моря обще колись дістала. Сіярто в понедільок передав єднакый подарунок Босні і Герцеговині, де повів, же Будапешть надіять ся, же ускоріня вакціначной кампані в тій державі поможе ку обновліню їй господарьства.

(Медвідь, SHMÚ)