Вчера, 21-го юла 2021-го року Папа римскый Франціск призначів на пятьрічный період членів Верьховного трібуналу Апостолской сіґнатуры, інформував о тім портал Vatican News. Меджі дванадцятьома особностями з різных народностей спомеджі кардіналів, архієпіскопів і єпіскопів, є і архієпіскоп Кіріл Василь, апостольскый адміністратор sede plena Кошыцькой ґрекокатолицькой єпархії. Папа Франціск єдночасно призначів і семох референтів Верьховного трібуналу Апостольской сіґнатуры спомеджі академічных фаховців  в области канонічного права латиньской церькви і восточных католицькых церьквей.  Верьховный трібунал Апостольской сіґнатуры (Signaturae Apostolicae Tribunal) є єдным з урядів Римской курії, і є  верьховным судом а єдночасно так само верьховным орґаном церьковной юстічной справы і справной юстіції Святішого Престола. Фото. Arcibiskup Cyril Vasiľ / FB  (lem.fm, Pkf)

 (TASR, Pkf)