На словацько-україньскій граніці ся зліпшыть інфраштруктура. В Полонинах прибудуть інтеліґентны ціклострішкы, оддыховы зоны і ціклотрасы. В рамках проєкту з Українов ся там проінвестує веце як міліон евр. О підписі ґрантового договору ку проєкту “Зліпшіня доступности і мобіліта в рамках SK – UA черезгранічного реґіону“ председом Пряшівского самосправного краю Міланом Маєрьскым інформовала Леа Геілова  з одділіня комунікації і пропаґації Уряду. В рамках проєкту ся змодернізує высше шість кілометрів ціклотрас і выбудують ся елементы ціклоінфраштруктуры. Піде наприклад о інтеліґентны ціклострішкы в селах Уліч і Стащін, але і оддыховы зоны в Улічу. Окрем коордінації проєкту з назвов Карпатьска мобіліта край выпрацує і технічну штудію перепоїня полониньского ціклопішника на актуалный  гранічный переход Убля – Малый Березный з алтернатівов будучого переходу Уліч – Забрідь. Сучастьов проєкту будуть і едукачны актівіты про містну самосправу і подникателів. Подобно то буде і на україньскім боці. (TASR, Pkf)