Наталія Пратасевічова, мама затриманого білоруского новинаря і актівісту Рамана Пратасевіча, вчера выголосила, же єй сына в арешті мучать. Доказом того є подля ньой відео, в котрім ся Прасатевіч признавать к орґанізуваню масовых протівладных мітінґів, інформує аґентура AFP. Як дале Пратасевічова повіла, ,,не єм хірурґ, але є ясне, же го ударили до носа і може го зломили. Подля того, што виджу, го дусили і били, абы з нього достали признаня“. Білорускый опозичный новинарь і актівіста Пратасевіч і його приятелька Софіа Сапеґова были затриманы 23-го мая на летіску в Мінску по тім, як было летадло сполочности Ryanair в часі літу з Атен до Вілніусу донучене пристати в Білорусії – так повідають з причіны выгражок о бомбі на палубі, котры ся указали як неправдивы. (TASR, Pkf)