Лідры 27 членьскых держав Европской унії на міморяднім засіданю Европской рады занимали ся окрім сітуації в Білоросії і односинами Унії з Російов і Великобрітанійов. В ночі на віторок о тім інформовали на пресконференції предсидателька Европской комісії Урсула фон дер Леєнова і председа Европской рады Шарлс Мішел. Шефка еврокомісії вызвала білоруськы уряды, жебы пропустили Рамана Пратасевіча і його приятельку Софію Сапеґову з вязніня. Леєнова далше повіла, же Унія є конзістентна у своїм приступі ку Росії, котра подля ньой продовжує в нападах на европскы інтересы і цінности. Єдночасно додала, же Росія є про Унію важным партнером в области бізнісу і рішінь реґіоналных вопросів. Предметом діскусій были і европско-брітаньскы односины. Лідры ся знову высловили за рішіня проблем на основі установлінь Договору о выступліню, Договору о бізнісі і співпраці і Протоколу о Ірландії.

(Медвідь, ТASR)