Кабінка лановкы в котрій ся везли навщівници на верьх горы Моттароне над містечком Стреса, одкыль є мож відіти панораму малебного североіталійского озера Лаґо Маґґіоре, вчера впала з носного лана і зошмыкнула ся долу берегом. Чісло жертв ся до вчерайшого вечера звышыло на 14 – вмерло єдно з двох дітей перевезеных до шпиталя у важнім ставі. Ішло о малу дітину зо зломенинами, інформувала пресаґентура AP з одкликаням ся на уряды. Старостка містечка Стреса Марцелла Северінова увела, же асі ся переторгло носне лано і кабінка лановкы падала, аж покы ненаразила на стовп, і потім ся зрутила на землю. Дакотры з тых людей, што вмерли, выпали з кабінкы. (TASR, Pkf)