Місто Левоча продовжує в реконштрукції історічного Намістя Майстра Павла етапов части Ц. Вчера перед северным парком урочісто подуркали основный камінь ставбы. Інформовала о тім радніця на своїм порталі. Як про TASR потвердив пріматор міста Мірослав Вілковскый, цілкова сума на реконштрукцію є 1,2 міліона евр. Фінанції дало Міністерство фінанцій  СР з капітолы на захрану і обнову културных памяток, часть дофінанцує місто. Очековане скінчіня реконштрукції є плановане на децембер того рока. Буде то комплексна реконштрукція інфраштруктуры, водоводу, каналізації, силнопрудовых і слабопрудовых розводів, як і верейне освітліня. Частьов реконштрукції буде  археолоґічне досліджіня терену і положіня каміня на існуючій ходник і драгу.  (TASR, Pkf)