Міністерка справедливости Марія Коликова з партії Za ľudí зіставать у функції. Вырішыли о тім депутаты Народной рады Словацькой републікы в понедільковім голосованю. За одкликаня Коликовой з функції голосовав окрім опозічных депутатів і коалічный депутат Мартін Чепчек з OĽANO. Коликову хотіли в голосованю одкликати і незараджены депутаты окрім Томаша Валашека і Мірослава Коллара, котры голосовали проти одкликаня вєдно з партіями SaS, Sme rodina i Za ľudí. Пропозіцію на высловліня недовіры Коликовій подала опозічна партія Smer-SD. Шеф партії Роберт Фіцо повів, же причінов мали быти підозріня коло бізнісу компанії Elektronika, в котрій Коликова фіґуровала. Вказовав і на змлувы той фірмы з RTVS ці з театром Nová scéna.

(Медвідь, TASR)