Серьбска влада понукне фінанчну одмену своїм жытелям, котры ся до кінця мая дають заочковати протів коронавірусу. Інформував о тім серьбскый презідент Александер Вучіч, котрого цітовала аґентура AFP. Вучіч ся про серьбскы медія высловив, же вшыткым обывателям Серьбії, котры ся дають заочковати до 31-го мая, буде выплаченый бонус у вышкі 3000 дінарів, в перелічіню то значіть 25 евр. Серьбска влада хоче подля нього такым способом одмінити вшыткых людей, котры ся “заховають одповідно“. Серьбскый презідент подля властных слов очікує, же до кінця мая будуть в згруба сімміліоновій Сербії заочкованых три міліоны жытелів. (TASR, Pkf)