Председа Сенату Парламенту Чеськой републікы Мілош Вістырчіл в понедільок про інформачный сервер Novinky.cz повів, же Сенат буде занимати ся можностьов конштітучной скаргы з велезрады на чеського презідента Мілоша Земана з причіны його высловів ку кавзі Вырбєтіце. Подля председы Сенату є наперед потрібне дати діла докопы і посмотрити ся на то, як сітуацію видять фаховці. Сенаторьскый клуб партій ODS i TOP 09 на сіті Twitter написав, же крокы презідента републікы в остатніх днях вказують, же презідент не діє в інтересі Чеськой републікы, і тоты крокы не мож іґноровати.

(Медвідь, TASR)