Выгнатя трьох російскых діпломатів є окрім проявліня солідаріты і ясным доказом того, же небудеме толеровати неприпустны актівіты на нашій території. В реакції на выгостіня то увела віцепремєрка і председничка коалічной партії За людей Вероніка Ремішова. Додала, же Словакія мать інтерес о коректны односины з Російов, згодно як зо вшыткыма країнами. TASR о тім інформувало пресове одділіня партії За людей. Словакія выгостить трьох російскых діпломатів, котры мусять зохабити теріторію СР до семых днів. Словакія так реаґує на події в Чеській републиці. Ку даным крокам приступило на основі переоцініня нашых справодайскых служеб. (TASR, Pkf)