Чеська влада вырадила з тендра на добудованя ядровой електрарні Дукованы Росію. Причінов є експлозія складів муніції в селі Вырбєтіце з 2014-го року, за котров мали стояти російскы тайны службы. Чеська републіка уж выгостила 18 російскых діпломатів, котры мали выконовати шпіонаж. Пражска влада вырішыла, же російска компанія Росатом не може брати участь в тендрі на будованя нового блоку електрарні. На тендрі будуть брати участь фірмы з Франції, Южной Кореї і США, котрым влада зажене безпечностну анкету. Інформовав о тім чеськый віцепремєр і міністер промыслу Карел Гавлічек по понедільковім засіданю влады.

(Медвідь, TASR