Їднаня політічных радників і діпломатів в рамках такзваного нормандьского формату в понедільок скінчіли без досягненя реалных резултатів. Аґентура Інтерфакс в ночі на віторок інформовала, же участны бісідовали лем о дотримованю переміря на контактній лінії у выходоукраїньскім Донбасі. Нормандьскый формат выникнув з договору лідрів Україны, Росії, Німецька і Франції, причім цільом діалоґу в тім форматі є помочі закінчіти конфлікт меджі україньскыма владныма силами і проросійскыма сепаратістами. Джерело близке понедільковым їднаням інфромовало, же розговоры, котры обсяговали діскусії о імплементації міньскых договорів і тырвали три годины, не принесли жадны резултаты.

(Медвідь, TASR)