Унія посылать на Балкан вакціны
Европска унія посылать 651 тісяч давок протикоронавірусовых вакцін до балканьскых держав, котры не суть членами Унії. Має то быти першый крок і далша поміч буде наслідовати, повів австрійскый міністер загранічных діл Александер Шалленберґ, котрого цітовала аґентура DPA. Тоту акцію, котра буде проходити од мая до авґуста, коордінує в мені Унії якраз Австрія. На зачатку суть про сусідів Унії выділены вакціны Pfizer/BioNTech і не буде то мати непрязный вплив на щіпліня в Унії, додав австрійскый міністер. Вакціны будуть дістрібуованы подля потребы, не на основі чісла жытелів, што значіть, же Албанія, Босна і Герцеґовина а Северна Македонія, де затля защіпили лем мало людей, дістануть майже 500 тісяч давок. Решта піде до Косова, Чорной Горы і Сербії.
(Медвідь, TASR)
- Назад / Nazad Москва вызвала 20 робітників чеськой амбасады в Москві абы опустили країну
- Далше / Dalše Нормандьскый формат не приніс резултаты