Америцькый презідент Джов Байден становив 11-ый септембер за новый термін, доколи США стягнуть вшыткых своїх вояків із Афґаністану. Новинарям то у віторок повів неменованый представитель америцькой влады, інформовала аґентура AFP. Білый дім оголосив, же Байден представить свої планы в справі стягненя америцькых сил з Афґаністану в прояві, з котрым выступить днесь. Трампова адміністратіва підписала влони у фебруару з Талібаном договор, в котрім приобіцяла стягненя своїх вояків з Афґаністану до 1-го мая того року. Мілітантный ісламістічных рух на выміну обовязав ся вести мірны розговоры з афґаньсков владов.

(Медвідь, TASR)