Тема можных додавок російской вакціны Sputnik V до Европской унії была меджі темами, о котрых діскутовали вчера посередницьтвом відеоконференції російскый презідент Владімір Путін, німецька канцеларка Анґела Меркелова і презідент Франції Еммануел Мацрон. Інформувала о тім аґентура TASS з одкликаням ся на пресодділіня Кремля. Подля нього троїця діскутовала і о ‟можности на реґістрацію російской вакціны  Sputnik V в Европскій унії і його можній додавкі і сполочній выробі в країнах ЕУ‟. Лідры діскутовали і о сітуації у односинах меджі Російов і Европсков унійов. Путін увів, же Росія ‟є приправена обновити нормалну, одполітизовану сполупрацю з Европсков унійов, як ся проукаже взаємный інтерес.‟ (TASR, Pkf)