Вчера – 30-го марца ся одбыла онлайн презентація вітязных творів в рамках семого рочника конкурзу о Літертурну премію Марії Мальцовской. Презентацію вела Кветослава Копорова, председкыня Сполку русиньскых писателів  Словеньска, котрый тот конкурз орґанізує уж семый рік. Копорова повіла, же до конкурзу послало свої поетічны і прозовы творы десять русиньскых авторів скоро зо вшыткых окресів русиньского реґіону. Перше місце в конкурзі здобыв Міро Жолобаніч із своїма гуморесками, друге місце Юрко Харитун а третє Людмила Шандалова – обоє з поезійов. Як інформовала Копорова, вшыткы конкурзны творы будуть опублікованы в часописі Русин і на сторінках Сполку русиньскых писателів Словеньска. (А. Кузмякова)