Компанія Johnson & Johnson в понедільок інформовала, же свою єднодавкову вакціну проти хвороты COVID-19 зачне до Европы дістрібуовати 19-го апріля. Інформацію принесла аґентура AFP. Европска унія схвалила вакціны проти ковіду од компаній Pfizer/BioNTech, Moderna, AstraZeneca, а недавно і од Johnson & Johnson. Є то перша єднодавкова вакціна, остатні ся давають в двох давках. Клінічны тесты потвердили, же є ефектівна при превенції хвороты COVID-19 у людей у віці од 18 років. Унія собі од Johnson & Johnson обїднала 200 міліонів давок, припоминать аґентура. Першых 55 міліонів прийде в другім кварталі, з додавками зачінать ся в апрілю. Од юла до септембра Европска унія дісталне далшых 120 міліонів вакцін.

(Медвідь, TASR)