Люде заочкованы першов давков вакціны AstraZeneca достануть другу давку аж по десятёх тыжднёх. Доводом суть новы знаня одборників і науковцїв на меджінародній уровни, котры превказали высшу ефектівность вакціны при посунї другого терміну. TASR о тім інформовала говоркыня Міністерства здравотництва СР Зузана Еліашова. Первісно мали заочкованы особы достати другу давку по 28 днёх. ,,Посун терміну є повнї в згодї з общіма рекомендаціями про вакціну од того выробцю на аплікацію другой давкы в діапазонї 4 аж 12 тыжднїв,” высвітлила говоркыня. Зарівно додала, же новы знаня о вакцінї доволили і посун віковой граніцї про очкованы особы з 55 років на 70 років.

(TASR, Шутіова)