Сербія ся стане першов европсков країнов, котра зачне на своїй теріторії вырабляти вакціну проти коронавірусу од кітайской компанії Sinоpharm. Выроба кітайской вакціны бы мала быти в Сербії спущена 15.октобра, выядрив ся серьбскый презідент Александер Вучіч про серьбску штатну телевізію RTS по стрїчі з корунным прінцём Споєных арабскых еміратів Мугамадом бін Заїдом в Абу Забі. В Сербії дотеперь подали уж скоро 1,5 міліона давок вакціны – векшыну людей заочковали кітайсков вакцінов од фірмы Sinopharm. Очкує ся але і російсков вакцінов Sputnik V. Росія у фебруарі предбежно сугласила з тым, жебы ся єй вакціна вырабляла в Сербії. Выроба бы мала зачати в половинї мая.

(TASR, Шутіова)