Чісло госпіталізованых паціентів із захворіньом  COVID-19 в сниньскім шпыталю є надале на граніці його капаціт. Як про пресову аґентуру TASR увів директор Андрей Кулан, в посліднім часі ся значно зменшує їх вік. Передтым то были векшынов старшы люди над 80 років, днесь уж то суть 40-річны, докінця і 30-річны. Меджі паціентами з комплікованов формов захворіня COVID-19 суть і люди, котры дотеперь не были хворы.  Подля Кулановых слов обсадженость постелей выділеных про ковідовых паціентів є уж довше на граніці. Ку пятніці было на ковідовім одділіню 44 паціентів, далшы двоє, котры потребують плюцну вентілацію, лежать на одділіню анестезіолоґії і інтензівной медицины. (TASR, Pkf)