Од 1-го апріля 2021-го року Соціална поістьовня зачінать з аплікаційов новозаведженого інштітуту – тзв. довгочасной старостливости о хронічных або тяжко хворых людей, бо  при короткій старостливости ся не думать на припады довгочасной особной старостливости. Право на довгочасну старостливость  буде мати поіщеный, котрый ся особні і цілоденні старать о близкого хворого (родічів, дітину, мужа, жену, брата, сестру), котрого здравотный став  потвердженый компетентным лікарьом собі выжадує старостливость іншов особов. Тзв. довгочасна ОЧР-ка  в такім припаді є дана на період до трьох місяців. ( Pkf)