Словакія од днесь рушыть список менше різіковых держав і можность перекрочіти граніці із 72-годиновым RT-PCR тестом. Єдночасно ся запроваджать повинне абсолвованя 14-дньовой карантены по приході на Словакію, причім найпізніше на восьмый день бы мала быти особа тестована на COVID-19 RT-PCR тестом. Выглашка Уряду верейного здравотництва приносить і дакотры выняткы што до карантены. TASR о тім інформовала говоркыня уряду Даша Рачкова. Особі, котра пришла зо заграніча на Словакію, не абсолвує тест і не мать жадны сімптомы, карантена скінчіть по 14-ох днях. Выняткы із карантены суть розділены до трьох ґруп. Словакія запроваджать строгішый режім на граніцях в повязаню з новыма мутаціями коронавірусу. Мутації вели ку згіршованю епідеміолоґічной сітуації в областях, де ся розшырили.

(Медвідь, TASR)