Европска аґентура про лікы у віторок оголосила, же прияла жадость о условне схваліня вакціны проти коронавірусу од выробцю Janssen-Cilag, фірмы, котра є дівков америцькой компанії Johnson & Johnson в Европі. Рекомендація на хоснованя той вакціны в Европскій унії бы подля аґентуры про лікы могла быти знама уж в половині марца в припаді, же будуть „передложены даны о якости, ефектівіті і безпечности сповняти пожадавкы на реґістрацію вакціны“. О поволіню на хоснованя вакціны платнім про вшыткы членьскы державы Унії мусить рішыти Европска комісія. Моментално аґентура оцінює і дві далшы вакціны од компаній CureVac i Novavax, но тоты о условне схваліня не жадали.

(Медвідь, TASR)