Британьска влада обгаює можность уділити трест однятя слободы аж до десятьох років тым особам, котры ся допустять циґанства у звязку зо свойов недавнов цестовательсков анамнезов. Інформувала о тім  днесь на своїй інтернетовій сторинці BBC. Британьскый міністер транспорту Ґрант Сгаппс повів, же верейность в Британії ‟очікує значно строгы крокы‟ протів особам, котры ся снажать обыйти повинну карантену. Тоты тресты подля його слов одражають важность трестных поступків. Люди приходжаючі до Британії з країн означеных як ‟высоко різіковы‟ будуть мусіти од понеділька 15-го фебруара абсолвувати десятьдньову ізолацію в заряджінях владов одобреных, припоминать BBC. За тото перебываня мусять заплатити 1750 лібіер, што значіть 1992 евр. (TASR, Pkf)