Премєр Іґор Матовіч нехоче міністра господарьства Ріхарда Суліка одкликати про днешню сітуацію, котрій мусить Словакія противостояти про пандемію нового коронавірусу. Як повів в неділній політичній діскусній релації телевізії  TA3 В політиці, же на выводжіня одповідности буде час в будучности. На засідані влады небере участь прото, бо нехоче быти причінов конфліктів. Очікує але, же SaS буде і надалей грати ‟своє театро‟. Пущати діти до школ неповажує за добре рішеня. Матовіч бы быв осторожнішый, але ціла Словакія подля нього кличе по тім, абы слухали одборників. Буде слідити, ці на основі COVID автомату будуть ся чісла понижувати. За злыма чіслами видить главні то, же Сулік накупив тесты на цілоплошне тестованя пізно і тыж британьску мутацію. (TASR, Pkf)