Універзіта Коменьского (УК) в Братїславі не сугласить з намагами політічной моци обмедзити автономность і самосправность высокошкольского середовища на Словакії. Реаґує так на новелу высокошкольского закона, котру актуално приготовлює міністерство школства. Найстарша і найвекша словацька універзіта ю выразно не приїмать а поважує ю за намагу о політічне овладнутя словацького высокого школства. TASR о тім інформовала говоркыня універзіты Ленка Міллер. Універзіта жадать обновлїня діалоґу і перероблїня пропозіції новелы скоріше, як ся передложить до леґіслатівного процесу. УК зато вызывать міністерство школства на отворену діскусію о змінах у высокім школстві. Універзіта декларує, же є приготовлена на тій цїлосполоченьскій діскусії актівно партіціповати і нукати конштруктівны рїшіня.

(TASR, Шутіова)