З тридцятьох схваленых проєктів Пряшівского самосправного краю буде ся реалізовати пять замірів в сумі скоро 4 міліоны евр. З той сумы будуть партнеры краю фінанцованы сумов скоро 2,4 міліоны. Найуспішнішым проєктом є PREZAK 2, то є Модернізація транспортного споїня меджі Пряшівскым крайом і Закарпатьсков областьов Україны. На нашім боці ся оправить драга меджі русиньскыма селами Тополя  – Ковбасів, і розпутьом Ковбасів – Руськый Потік, што є сучасть драгы першой класы, котра веде ку гранічному переходу Убля – Малый Березный. (А. Кузмякова, Лем.фм)