Премєр Арменії Нікол Пашінъян в понедільок повів, же статус Нагорного Карабаху зіставать єдным із невырішеных вопросів у конфлікті меджі Арменійов і Азербайджаном. Пашінъян то повів по їднанях, котры в понедільок в Москві абсолвовав з азербайджаньскым презідентом Ілгамом Алієвом і російскым презідентом Владиміром Путіном. За словами Пашінъяна ся подарило забезпечіти переміря, но є треба іщі вырішыти много проблем. Єднов є і штатут Нагорного Карабаху, непризнаной державы на теріторії Азербайджану, де 90 процент населіня творять Армяны. Пашінъян підкреслив, же Арменія є приготовлена продовжовати в їднанях в рамках співпредседництва Міньской ґрупы Орґанізації про безпечность і співпрацу в Европі, головно у вопросах становліня штатуту спорного реґіону.

(Медвідь, ТASR)