Кандідатом Рады прокураторів СР на функцію шпеціалного прокуратора є прокуратор Уряду шпеціалной прокуратуры Петер Кісел. На міморяднім засіданю в Жіліні о тім в понедільок вырішыли членове рады. Подля Юрая Пурґата, котрый є председом рады, їх кандідата фаворізує, же є якостным прокуратором. За словами Порґата овладать аґенду шпеціалной прокуратуры, є морлано способный, знать проблематіку Уряду шпеціалной прокуратуры. Навеце членам рады одпрезентовав цілу шкалу проблем, котры на уряді суть, вєдно з пропозіціями їх рішінь. Номінації на кандідатів ся можуть подавати до 8-го януара. Окрім Кісела буде кандідовати і Даніел Ліпшіц, котрого пропоновав кінцьом децембра декан Правницькой факулты Універзіты Коменьского в Братіславі Едуард Бурда. Кандідаты мусять перейсти публічным выслухом в конштітучноправнім выборі парламенту. Шпеціалного прокуратора волить Народна рада Словацькой републікы.

(Медвідь, TASR)