Европска аґентура про лікы в понедільок інформовала, же затля не вырішыла, ці схвалити вакціну америцькой компанії Moderna проти хвороты COVID-19, інформовала аґентура AFP. Аґентура, котра має центер в Амстердамі, буде о тім діскутовати далше в середу. Вакціна од німецькой компанії BioNTech і америцького концерну Pfizer є затля єдинов поволенов на єднотнім рынку Европской унії. Подає ся в двох давках і вакцінація у векшыні членьскых держав Европской унії зачала 27-го децембра. Вакціна компанії Мoderna ся подавать так само в двох давках і Унія собі вже обїднала 80 міліонів вакцін з можностьов докупліня далшых 80-ох міліонів.

(Медвідь, TASR)