Пять новых членьскых держав – Індія, Мексіко, Норвеґія, Ірландія і Кеня в понедільок офіціално вступило до Безпечностной рады Орґанізації зъєдиненых народів, і то в часі роснучой поларізації в тім орґані повіренім утримованьом світового міру і безпечности, підкреслила аґентура AFP. Представителі тых держав в понедільок брали участь на першім засіданю замірянім на схваліня аґенды, котру запропоновала Тунісія як країна, котра предсидать БР ОЗБ. Новы країны будуть мати несталы місця в 15-членній раді два рокы. Сталы членове рады – США, Росія, Кітай, Франція і Великобрітанія мають в тім орґані право вета.

(Медвідь, TASR)