Ґенералный діректор Збору арештантьской і юстічной охраны (ZVJS) Мілан Іван одступив зо свойой функції у звязку з припадом бывшого поліцайного презідента Мілана Лучанского. Інформував о тім на днешній пресконференції. Міністерка справодливості Марія Колікова собі демісію директора высоко оцінює. Як підкреслила, є то важный крок к обновліню довірї в Збор арештантьской і юстічной охраны. Норберт Кундрак, діректор вязніці в Пряшові, покы оставать у функції. На його одкликаня бы мало быти преуказане порушіня літеры закона. (TASR, Pkf)