Чісло госпіталізованых паціентів з хворотов COVID-19 ся в шпыталях сіті Svet zdravia на выходній Словакії не знижує і є высоке. Майже вшыткы ліжка з напоїньом на штучну плюцну вентілацію суть повно обсаджены. Про TASR то повів говорця сіті шпыталів Томаш Краль з тым, же кількость інфікованых здравотників ся по Рождественных святах дакус знижыла. Шпыталі в Михалівцях, Рожняві і Гуменнім будуть вакцінов діспоновати од 4-го януара. Актуално є обсадженых 66 процент місць про паціентів з хворотов COVID-19 в рамках семох шпыталів той сіті. Вынятком є шпыталь в Михалівцях, де із 8 ліжок є обсадженых сім, і шпыталь в Рожняві, де є лем єдно таке місце, але моментално не є потрібне ани про єдного паціента.

(Медвідь, TASR)