Од суботы 19-го децембра од 5.00 год буде на Словакії заказ выходжіня. Платити будуть і выїмкы, наприклад на навщіву найближшой родины. Од того дня ся зачне на Словакії і тзв. lockdown. Запруть ся вшыткы обходы з выїмков тых, котры суть потрібны на забезпечіня основных потреб. Вчера то ознамив міністер здравотницьтва Марек Крайчі і віцепремєр про леґіслатіву і стратеґічне планованя Штефан Голі. Зо заказу выходжіня буде платити пару выїмок. Суть ними окрім іншого і выїмка дорогы за родинов, до роботы, але і  на забезпечіня безодкладных жывотных потреб, накупу бензіну ці нафты, або дорога на пошу ці выдайне місьце інтернетовых і іншых обходів. (TASR, Pkf)