Конкретну подобу ближачого ся локдавну має днесь рішыти шпеціална комісія під веджіньом міністра здравотницьтва Марека Крайчі. Заключіня проїднать влада, котра наслідно прийме рішіня. Про TASR то повів міністер обороны Ярослав Надь. Заступліня в комісії мають подля Надя фаховці і владны політічны партії. Централный крізовый штаб днесь правдоподобно засідати не буде. Міністер здравотницьтва по понедільковім засіданю влады повів, же наряджіня, котры ся мали запровадити од 21-го децембра, з причіны згіршуючой ся сітуації, будуть строгішы. Повів, же можливый є і заказ выходжіня, котрого условії ся іщі будуть шпеціфіковати. Підкреслив, же треба штонайскоріше заставити величезный тиск епідемії, котрый ся вказує в роснутю інфікованых і госпіталізованых з хворотов COVID-19.

(Медвідь, TASR)